Nanneddu Meu


Nanneddu meu, su mundu er gai:
a sicut erat non torrat mai.

Semus in tempus de tirannias
infamidade e carestias
como sos populos cascan che canes
gridende forte: "Cherimos pane".

Famidos nois semos pappande
pane e castanza, terra cun lande
terra ch'a fangu torrat su poveru
senz'alimentu, senza ricoveru.

Cussas banderas numeru trinta,
de binu bonu mudana tinta
appenas mortas cussas banderas
non piùs s’osservan' imbreacheras.

Semmus sididos issa funtana
pretende s'abba parimus ranas.
abbocaeddos laureados
buzzacas boidas e ispiantados

Adiosu, Nanni tenet'a contu,
fache su surdu gettad’a tontu
a tantu, l’ides su mundu er gai,
a sicut erat non torrat mai.